అంబేద్కర్ ఓపెన్ యూనివర్సిటీ డిగ్రీ ప్రవేశాల పోస్టర్ ఆవిష్కరణ

 

జై భార‌త్ వాయిస్ హ‌న్మ‌కొండ‌

డాక్ట‌ర్ . బి.ఆర్. అంబేద్కర్ ఓపెన్ యూనివర్సిటీ 2026–27 విద్యా సంవత్సరానికి డిగ్రీ ప్రవేశాల పోస్టర్‌ను వరంగల్ ప్రాంతీయ కేంద్రంలో గురువారం ఆవిష్కరించారు. ఈ సందర్భంగా ప్రాంతీయ సంచాలకులు ప్రొఫెసర్ సుంకరి జ్యోతి మాట్లాడుతూ బి.ఏ., బి.కాం., బి.ఎస్‌సి డిగ్రీ కోర్సుల ప్రవేశాలు ప్రారంభమైనట్లు తెలిపారు. ఇంటర్మీడియట్, ఓపెన్ ఇంటర్మీడియట్, 10+2 అర్హత కలిగిన విద్యార్థులతో పాటు రెండేళ్ల పాలిటెక్నిక్, ఐటీఐ కోర్సులు పూర్తి చేసిన అభ్యర్థులు కూడా ప్రవేశాలకు అర్హులని పేర్కొన్నారు.ప్రవేశాల కోసం ఆధార్ కార్డు, ఎస్‌ఎస్‌సీ, ఇంటర్మీడియట్ మార్కుల జాబితా, కుల ధ్రువీకరణ పత్రం (అవసరమైన వారికి), పాస్‌పోర్ట్ సైజు ఫొటోలతో సమీప ప్రభుత్వ డిగ్రీ కళాశాలలోని డా. బి.ఆర్. అంబేద్కర్ ఓపెన్ యూనివర్సిటీ అధ్యయన కేంద్రాన్ని సంప్రదించాలని సూచించారు.

ప్రవేశాలకు ఆగస్టు 7 చివరి తేదీగా నిర్ణయించినట్లు తెలిపారు. అభ్యర్థులు www.braouonline.in వెబ్‌సైట్‌లో ప్రవేశ నమోదు పూర్తి చేసి, తాము ఎంపిక చేసుకున్న అధ్యయన కేంద్రంలో సంబంధిత ధ్రువపత్రాలను సమర్పించాలని కోరారు.మరిన్ని వివరాల కోసం టోల్‌ఫ్రీ నంబర్ 1800-599-0101 లేదా 040-23680333, 040-23680444, 040-23680555 ఫోన్ నంబర్లను సంప్రదించాలని ప్రొఫెసర్ సుంకరి జ్యోతి విజ్ఞప్తి చేశారు.